ବିଶ୍ଵ ପ୍ରସିଦ୍ଧ ରଥ ଯାତ୍ରା ପାଇଁ ବୌଦ୍ଧ ବନଖଣ୍ଡରୁ ରଥ କାଠ କଟା ଆରମ୍ଭ

ହରଭଙ୍ଗl(କୁନା ବେହେରା): ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ବୌଦ୍ଧ ଜିଲ୍ଲାରୁ ବିଶ୍ୱପ୍ରସିଦ୍ଧ ପୁରୀ ରଥନିର୍ମାଣ ପାଇଁ ରଥକାଠ କଟା କାର୍ଯ୍ୟ ମହାଡମ୍ବରରେ ଆରମ୍ଭ ହୋଇଛି। ମାଧପୁର ରେଞ୍ଜ ବାରୀଙ୍ଗ ସେକ୍ସନ ରାସ ରାଣୀ ବିଟ ଅଧୀନ ମୁଣ୍ଡେଶ୍ୱେର ଜଙ୍ଗଲ କମ୍ପl ର୍ଟ ମେଣ୍ଟ ୨ ରୁ ଆଜି ପୂଜାର୍ଚନା କରି ଅସନ, ଧଉରା, ଫାସୀ ଓ ଶିମିଳି ପରି ମୂଲ୍ୟବାନ କାଠ କଟା ଆରମ୍ଭ କରାଯାଇଛି। ଆଜିର ଏହି ପବିତ୍ର ଅବସରରେ ବୌଦ୍ଧ ଡିଏଫଓ ରାଜେନ୍ଦ୍ର ଗୋଛାୟତ, ମାଧପୁର ରେଞ୍ଜ ଅଧିକାରୀ ଆସିକ ଡିଗାଲ, ପୁରୀରୁ ଆସିଥ ରଥ କାଠ କଟିଙ୍ଗ ପରିବହନ ଠିକାଦାର ତନ୍ମୟ ରଞ୍ଜନ ପାଲ,ଫରେଷ୍ଟର ଭକ୍ତ ବତ୍ସଳ ମଲ୍ଲିକ,ବାରିଙ୍ଗ ବିଟର ଫରେଷ୍ଟ ଗାର୍ଡ ବୀଣାପାଣି ଖଟୁଆ, ମଞ୍ଜୁଲତା ସାହୁ,ଗଜେନ୍ଦ୍ର କଂହର,ଓ ବାରିଙ୍ଗ ଗ୍ରାମର ସଂକୀର୍ତନ୍ୟ ମଣ୍ଡଳୀ ଉପସ୍ଥିତ ରହି ପୂଜାର୍ଚନା କରିଥିଲେ। ବୌଦ୍ଧ ଜିଲ୍ଲାର ପାଞ୍ଚଟି ରେଞ୍ଜ ମାଧପୁର, ପୁରୁଣା କଟକ, ବୌଦ୍ଧ, ମନମୁଣ୍ଡା ଓ କଣ୍ଟାମାଳରୁ ମୋଟ ୨୦୦ ଖଣ୍ଡ ରଥକାଠ ପୁରୀକୁ ପଠାଯିବ। ଏଥିରୁ ମାଧପୁର ରେଞ୍ଜରୁ ପ୍ରାୟ ୭୦ ଖଣ୍ଡ ଅସନ , ଧଉରା, ସିମିଲି କାଠ କଟାଯାଇ ଏକ ମାସ ମଧ୍ୟରେ ପୂରୀ ଅଭିମୁଖେ ପଠାଯିବ । ଏହି ରଥକାଠ ଦ୍ୱାରା ପୁରୀରେ ଭଗବାନ ଜଗନ୍ନାଥଙ୍କ ପବିତ୍ର ରଥ ନିର୍ମାଣ କରାଯିବ, ଯାହା ପାଇଁ ବୌଦ୍ଧ ଜିଲ୍ଲାର ଜନଜନ ସାଧାରଣ ନିଜେ ନିଜକୁ ନିଜ ଜିଲ୍ଲା ନିଜ ଜଙ୍ଗଲରୁ ଗଗର୍ନଥ, ବଳଭଦ୍ର, ମା ଶୁଭଦ୍ରା ଙ୍କ ରଥ ନିର୍ମାଣ ରେ କାଠ ଲାଗୁ ଥିବାରୁ ନିଜକୁ ଧନ୍ୟ ମଣିଛନ୍ତି।