କାର ସହିତ ଓଟୋ ମୁହାଁମୁହିଁ ଧକ୍କା, ତିନି ଜଣ ଗୁରୁତର

ବୌଦ୍ଧ: ଜିଲ୍ଲା ଚାରିଛକ – ଫୁଲବାଣୀ ରାସ୍ତା ର କଁହର ସାହି ନିକଟରେ କାର ସହିତ ଓଟୋ ମୁହାଁମୁହିଁ ଧକ୍କା ହେବା ଫଳରେ ତିନି ଜଣ ଗୁରୁତର ହୋଇଥିବା ଜଣାପଡିଛି । ସୂଚନା ଥାଉକି ଗେଟାମୁଣ୍ଡାରୁ ଚିତ ରଞ୍ଜନ ପ୍ରଧାନ, ଲଳିତ ଭୋଇ, ପ୍ରତାପ ପ୍ରଧାନ,  ଓଟୋ ଯୋଗେ ଚାରିଛକ ଆସୁଥିବା ବେଳେ ବିପରୀତ ଦିଗରୁ ଯାଉଥିବା ଏକ କାର ସହ ମୁହାଁମୁହିଁ ଧକ୍କା ହୋଇଥିଲା! ଫଳରେ ଓଟୋ ରେ ବସିଥିବା ସମସ୍ତ ଯାତ୍ରୀ ରାସ୍ତା ତଳକୁ ଛିଟିକି ପଡ଼ିଥିଲେ! ଏପଟେ ଖବର ପାଇ ଚାରିଛକ ଦମକଳ ବାହିନୀ ଘଟଣା ସ୍ଥଳ ରେ ପହଁଚି ଉଦ୍ଧାର କରି ସମସ୍ତ ଗୁରୁତର ଙ୍କୁ ପୁରୁଣାକଟକ ମେଡିକାଲ ରେ ଭର୍ତି କରିଥିଲେ । ଅନ୍ୟପଟେ ପୋଲିସ ପହଁଚି ଘଟଣାର ତଦନ୍ତ ଆରମ୍ଭ କରିଥିବା ଜଣାପଡିଛି ।